მიკროსაფინანსო ორგანიზაციები შეზღუდვების დაწესების შემდეგ დაზარალებულ მოქალაქეებს სესხებს გადაუვადებენ. როგროც მიკროსაფინანსო ასოციაციების თავმჯდომარემ bm.ge-სთან საუბრისას განაცხადა, შეღავათების გაკეთება მათაც მოუწევთ.
„შეღავათები რომ არ გავაკეთოთ რას იზავენ ჩვენი მსესხებლები?! მაგალითისთვის გეტყვით, შეზღუდვების შედეგად საქალაქთაშორისო გადაადგილება შეჩერდა – ჩვენ გვყავს მსესხებლები, რომლებიც მიკროავტობუსებზე მუშაობენ – რომ არ გავუკეთოთ შეღავათები, რა უნდა ქნან? მოხვდებიან ვადაგადაცილებაში. და რატომ არ უნდა გავუკეთოთ გადავადებები, როდესაც ზუსტად იგივე ფორმით ვურთიერთობთ ჩვენ საერთაშორისო დამფინანსებლებთან, ვისგანაც სესხები გვაქვს აღებული.
მოგვიწევს შეღავათების გაკეთება, სესხების გადავადების სახით, როგორც ეს წინა ლოქდაუნის პერიოდში იყო. თუმცა თითოეული შემთხვევის განხილვა ინდივიდუალურად მოხდება“, – განმარტა მისო-ების ასოციაციის თავმჯდომარემ.
