„გირჩის“ წევრი, ვახტანგ მეგრელიშვილი აცხადებს, რომ შარლ მიშელის შეთანხმების დოკუმენტის შესრულება ორივე მხრიდან დარღვევებით მიმდინარეობს.
მეგრელიშვილის თქმით, სწორედ ამ შეთანხმებაზე იქნება საუბარი დღევანდელ შეხვედრაზე.
„მიშელის სახელის დოკუმენტის შესრულება იქნება ჩვენი მთავარი თემა და ძალიან მაინტერესებს, როგორი წარმოდგენის არის ჩვენი ბოლო შეხვედრის შემდგომ საქართველოში განვითარებულ მოვლენებზე. ჩემი აზრით, ორივე მხრიდან დარღვევებით მიმდინარეობს შეთანხმების დოკუმენტის შესრულება, მთელი თამაში მდგომარეობს იმაში, რომ ერთმანეთს დავაბრალოთ ეს დარღვევები“, – განაცხადა ვახტანგ მეგრელიშვილმა.
ცნობისთვის, შარლ მიშელი სალომე ზურაბიშვილს უკვე შეხვდა. ცოტა ხანში დაგეგმილია შეხვედრა ოპოზიციური პარტიების წარმომადგენლებთან.
ვიზიტის ფარგლებში მიშელი შეხვედრას გამართავს პრემიერ-მინისტრ ირაკლი ღარიბაშვილთანაც.
