„პირველ რიგში, მსურს გამოვუცხადო სრული მხარდაჭერა ევროპული საბჭოს პრეზიდენტის შარლ მიშელის მხრიდან მედიაციის ძალისხმევას, რომელიც მიზნად ისახავს საქართველოს პოლიტიკური კრიზისიდან გამოყვანას. მეორე, პროვოკაციული ქმედებების რეაგირების დროსაც, პასუხისმგებელმა პირებმა უნდა გამოიჩინონ მოთმინება, არ იმოქმედონ არაპროპორციულად და თავიანთი ქმედებეთ კიდევ უფრო არ გააღრმავონ კრიზისი.
ასევე მნიშვნელოვანია, რომ ექვსპუნქტიანი გეგმა, რომლებზეც პარტიები შეთანხმდნენ, იყოს განხილული ყოვლისმომცველად და სისტემატურად. შექმნილი კრიზისი გარდა, ის ეხება ასევე საარჩევნო და სასამართლო რეფორმებს. – ამის შესახებ ევროპარლამენტის წევრმა, საქართველოს საკითხზე მომხსენებელმა, სვენ მიქსერმა განაცხადა.
მისი თქმით, მნიშვნელოვანია პოლიტიკური უთანხმოებები მოგვარდეს.
„მნიშვნელოვანია, რომ პოლიტიკური უთანხმოებები მოგვარდეს საპარლამენტო დებატების საფუძველზე. მოვუწოდებ კოლეგებს, დაარწმუნონ ქართველი მეგობრები, რომ სჭირდებათ დემოკრატიულ საპარლამენტო პროცესში ჩართვა, არ შესწირონ ქართველი ხალხის ლეგიტიმური მისწრაფებები რომელიმე პარტიის მოკლევადიან ინტერესებს“,- განაცხადა სვენ მიქსერმა.
