დღევანდელი დილის მდგომარეობით, მობილიზებული საწოლების რაოდენობა 7222-ია. აქედან კოვიდის მკურნალობისთვის სტაციონარში 6539 პაციენტი იყო, – ამის შესახებ ჯანდაცვის მინისტრის მოადგილე თამარ გაბუნიამ საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.
„1335 პაციენტი ინტენსიურ თერაპიაში მკურნალობას საჭიროებს, 405 კი რეანიმაციულ განყოფილებში. 2800-ზე მეტი ადამიანი რჩება კლინიკურ სასტუმროებში, სადაც მათ აქვთ შესაძლებლობა მიიღონ ხარისხიანი სამედიცინო სერვისი. სულ ჯამურად სასტუმროებსა და კლინიკებში იმყოფება 9425 პაციენტი“, – განაცხადა თამარ გაბუნიამ.
ცნობისთვის, დღეს კორონავირუსი კიდევ 1337 ადამიანს დაუდასტურდა. 49 პაციენტი კი, გარდაიცვალა.
