„მოძრაობა საქართველოსთვის“ აქტივისტებმა საოკუპაციო ხაზთან ენგურის ხიდზე საპროტესტო აქცია გამართეს. აქციის მონაწილეების თქმით, მათ ამ ფორმით, 2008 წლის აგვისტოს ომთან დაკავშირებით სტრასბურგის სასამართლოს მიერ მიღებული დღევადელი გადაწყვეტილება  ქარათველ ხალხს მიულოცეს.

„მოძრაობა საქართველოსთვის” აქტივისტები მეგობრებთა ერთად შევიკრიბეთ,საოკუპაციო ხაზთან და აქ ველოდებოდთ ადამიანის უფლებათა ევროპული სასამართლოს გადაწყვეტილებას, სტრასბურგის სასამართლოს დიდმა პალატამ მიიღო 2008 წლის რუსეთ-საქართველოს კონფლქტთან დაკავშირებით ჩვენთვის სასარგებლო გადაწყვეტილება. ეს გადაწყვეტილება მოსპობს აღიარებასთან დაკავშირებით სპეკულაციებს და გააძლიერებს, საქართველოს პოზიციებს. რუსეთის მიერ ოკუპირებული ტერიტორია არის ჩვენი და ჩვენ აუცილებლად ვიზეიმებთ გამარჯვებას აფხაზეთში და სამაჩაბლოში“, – განაცხადა აქციის ერთ-ერთმა მონაწილემ ალიკა კუპრავამ.

დღეს, 21 იანვარს, 2008 წლის ომის საქმეზე სტრასბურგის სასამართლომ გადაწყვეტილება გამოაცხადა.

საქართველოს იუსტიციის სამინისტროს ინფორმაციით, ადამიანის უფლებათა ევროპული სასამართლო დაეთანხმა საქართველოს მოთხოვნას, რომ რუსეთმა 2008 წლის აგვისტოს ომის დროს ადამიანის უფლებათა ევროპული კონვენციის არაერთი მუხლი დაარღვია.

ავტორი: თეა შონია