მოსამართლე რა გადაწყვეტილებას გამოაცხადებს, ძნელია, სამწუხაროდ, პროგნოზირება, მაგრამ ყველა შემთვევაში, ეს იქნება პოლიტიკური გადაწყვეტილება, – ამის შესახებ ოპოზიციის ერთ-ერთმა ლიდერმა, გიგი უგულავამ “ტვ პირველის” ეთერში განაცხადა.
გიგი უგულავას თქმით, მას აქვს იმედი, რომ 8 აპრილს ნიკა მელიას გაათავისუფლებენ.
“ნიკა მელიას ისევე როგორც დაპატიმრება, ასევე გათავისუფლება არის თავიდან ბოლომდე პოლიტიკური აქტი. მას სამართალთან არანაირი შეხება არ ჰქონდა, არ აქვს და არც ექნება. ამიტომ, მოსამართლე რა გადაწყვეტილებას გამოაცხადებს, ძნელია, სამწუხაროდ, პროგნოზირება. ყველა შემთვევაში, ეს იქნება პოლიტიკური გადაწყვეტილება. ის უბრალოდ გაახმოვანებს იმ გადაწყვეტილებას, რაც, საბოლოო ჯამში, ივანიშვილის მისაღებია … მე მაინც მოლოდინი მაქვს და იმედი მაქვს, რომ ნიკას 8-ში გარეთ ვიხილავთ”, – განაცხადა უგულავამ TV პირველთან საუბრისას.
ცნობისთვის, ნიკა მელიას სასამართლო პროცესი 8 აპრილს ჩაინიშნა.
