„მომავალი ორი თვე ამერიკისთვის კრიტიკული იქნება“,- ამის შესახებ აშშ-ს დაავადებათა კონტროლისა და პრევენციის ცენტრის (CDC) დირექტორმა განაცხადა. ინფორმაციას CNN-ი ავრცელებს.
„მომავალი ორი თვე ამერიკისთვის კრიტიკული იქნება. განსაკუთრებით საყურადღებოა ის, თუ რამდენად შევძლებთ ვირუსის ახალი ტალღის თავიდან აცილებას. ასევე, რამდენად სწრაფად შევძლებთ მოსახლეობის ვაქცინაციას. სწორედ ამ უკანასკნელზეა დამოკიდებული რა მოხდება მარტსა და აპრილში“,- განაცხადა აშშ-ს CDC-ს დირექტორმა.
ცნობისთვის, პანდემიის დაწყებიდან დღემდე აშშ-ში კორონავირუსით 29 მილიონზე მეტი ადამიანი დაინფიცირდა.
