მომავალი კვირიდან დისტანციური სწავლების რეჟიმზე ქუთაისის 37 საჯარო სკოლა გადავა.  დისტანციურ რეჟიმზე გადასვლა არჩევნების ჩატარებას უკავშირდება. საკითხთან დაკავშირებით განცხადება დღეს, განათლების მინისტრმა მიხეილ ჩხენკელმა გააკეთა.

სკოლები მომავალი კვირის ოთხშაბათს, ხუთშაბათს და პარასკევს დროებით დისტანციური სწავლის რეჟიმში გადავლენ.

„როგორც იცით, საარჩევნო უბნები განთავსებულია ზოგიერთ სკოლაში. იმ სკოლებში, სადაც არის საარჩევნო უბანი, არჩევნებისთვის მოსამზადებელი სამუშაოების ჩატარების გამო მომავალი მომავალი კვირის ოთხშაბათს, ხუთშაბათს და პარასკევს,დროებით გადავლენ დისტანციურ რეჟიმში“,- განაცხადა მიხეილ ჩხენკელმა.

საარჩევნო უბნები გახსნილია ქუთაისის 1-ელ, მე-2, მე-3, მე-4,მე-5,მე-6,მე-7,მე-8,მე-9, მე-10,მე-11,მე-12,მე-13,მე-14, მე-15,მე-16,მე-17,მე-19,მე20,21-ე,22-ე,23-ე,24-ე,26-ე,29-ე,30-ე,31-ე,32-ე,33-ე,34-ე,35-ე,38-ე,მე-40 და აფხაზეთის მე-5 საჯარო სკოლაში.

2020 წლის საპარლამენტო არჩვენებისთვის ქუთაისში 123 საარჩევნო უბანი გაიხსნება. ქუთაისის სამაჟორიტარო ოლქში 155 236 ამომრჩეველია რეგისტრირებული.

საპარლამენტო არჩევნები საქართველოში 31 ოქტომბერს გაიმართება.

ავტორი: კესო მოლაშხია