ჯანდაცვის მსოფლიო ორგანიზაციის გენერალური დირექტორის, ტედროს ადჰანომ გებრეიესუსის განცხადებით, მსოფლიო კორონავირუსის პანდემიის ახალ და სახიფათო ეტაპზეა.

როგორც ტედროს ადჰანომი აცხადებს პანდემია „სიჩქარეს კრეფს“. მისივე მონაცემებით, 18 ივნისს 150 ათასი, დღემდე ყველაზე მეტი, ახალი შემთხვევა დაფიქსირდა,

„მსოფლიო ახალ და სახიფათო ეტაპზეა. ბევრ ადამიანს სახლში ყოფნა მოსწყინდა, რაც გასაგებია. ქვეყნებს ეკონომიკის გახსნა სურთ. თუმცა, ვირუსი სწრაფად ვრცელდება, ის მაინც მომაკვდინებელია და ადამიანების უმეტესობა ისევ რისკის ქვეშ არის“, – აცხადებს ჯანდაცვის მსოფლიო ორგანიზაციის დირექტორი.

კოვიდ-19-მა მთელ მსოფლიოში 457 ათასი ადამიანის სიცოცხლე იმსხვერპლა, ინფიცირებულთა რიცხვი კი 8,5 მილიონია.