იუსტიციის ყოფილი მინისტრი, თეა წულუკიანი მაიკ პომპეოს ჩამოსვლის დღეს ოპოზიციის მიერ აქციის ჩატარებას ეხმაურება.
როგორც წულუკიანი ამბობს, აქციის ჩატარებას ვერავინ ვერავის დაუშლის, თუმცა მთავარია იგი მშვიდობიანი იყოს.
„ეს არის ძალიან მნიშვნლოვანი ვიზიტი ამ კონკრეტულ მომენტში. რა თქმა უნდა, ყველას აქვს პროტესტის გამოხატვის უფლება, ამაში არაფერია არც სკანდალური და არც მიუღებელი. მთავარია, რომ ეს იყოს მშვიდობიანი აქცია. ფორმას არჩევს ის, ვინც აქციას ატარებს, ჩვენ ვერავის ჭკუის დამრიგებელი ვერ ვიქნებით“,- განაცხადა თეა წულუკიანმა.
ცნობისთვის, 18 ნოემბერს ოპოზიცია მაიკ პომპეოს ვიზიტის პარალელურად „მდუმარე აქციის“ ჩატარებას გეგმავს.
