მთავრობამ „აწარმოე საქართველოს“ ფარგლებში განახლებული ფორმით კინოინდუსტრიის მხარდაჭერის პროგრამის აღდგენის გადაწყვეტილება მიიღო. ამის შესახებ ეკონომიკის მინისტრმა, ნათია თურნავამ განაცხადა.
„ძალიან მნიშვნელოვანია, რომ ეს პროგრამა უწყობს ხელს საქართველოს პოპულარიზაციას, ასევე საქართველოში აღიარებული და ცნობილი კინოკომპანიის ჩამოსვლასა და აქ კინოგადაღებებს, გარკვეული სამუშაო ადგილების შექმნას. მნიშვნელოვანი არის, რომ ამ პროგრამის განახლების მოლოდინში რამდენიმე პროექტი წამოიწყო, რომელიც საქართველოში არა მხოლოდ ერთჯერადად რომელიმე კინოპროდუქტის გადაღებას, არამედ კონკრეტულად სტუდიებისა და პავილიონების გახსნას ითვალისწინებს.
მათ შორის ჰოლივუდთან ასოცირებული კომპანიებისგან არის ასეთი შემოთავაზება. დარწმუნებულები ვართ, რომ ეს პროგრამა ძალიან წარმატებული იქნება მომავალ წლებში, ხელს შეუწყობს ტურიზმის განვითარებას, საქართველოს შესახებ ცნობადობის ამაღლებასა და საქართველოში მსოფლიო კინოინდუსტრიის პლატფორმის დამკვიდრებას“, – განაცხადა თურნავამ.
