“ნაციონალური მოძრაობის” წევრი, მურმან დუმბაძე ბათუმსა და ზუგიდის საკრებულოებში დღეს განვითარებულ მოვლენებს გამოეხმაურა. როგორც დუმბაძე ფეისბუკის პირად გვერდზე წერს “გამოსავალი გამოცდილებაშია და რასაც წამალი ვერ უშველის, უშველის დანა, რასაც დანა ვერ უშველის, უშველის ცეცხლი”.
“ბათუმი, ზუგდიდი …
ამ კაცმა ფული იშოვა აფერისტობით, მაგრამ სახელმწიფო აფერისტობით ვერ იმართა!
ესაა რეალობა.
გამოსავალი გამოცდილებაშია: რასაც წამალი ვერ უშველის, უშველის დანა, რასაც დანა ვერ უშველის, უშველის ცეცხლი!”- წერს მურმან დუმბაძე.
შეგახსენებთ, ორივე რეგიონის, ბათუმისა და ზუგდიდის საკრებულოს შენობასთან დილიდან ამ დრომდე ხმაურია. ოპოზიცია 2022 წლის ბიუჯეტის პროექტის დამტკიცებას ეწინააღმდეგება და სხდომის ჩაშლას ცდილობს. ადგილზე მობილიზებულია პოლიცია. მათ რამდენიმე პირი ადგილიდან განარიდეს.
