ჯანდაცვის სფეროში გაეროს გენერალური მდივნის მრჩეველი გიორგი ფხაკაძე საჭიროდ მიიჩნევს, რომ საქართველოში არსებული პანდემიის ფონზე, რეგულაციები გამკაცრდეს. როგორც მან „პრაიმტაიმნიუსთან” ინტერვიუში განაცხადა, პანდემიის მხრივ, ქვეყანაში ვითარება რამდენიმე კვირაში კიდევ უფრო გართულდება.
„ერთადერთი გზა არის ის, რომ უნდა გამკაცრდეს რეგულაციები. პირბადის სწორი ტარება, ორმეტრიანი დისტანცია და ხელების ხშირი დაბანა არის ამჟამად გამოსავალი, რომ ინფიცირებულთა რაოდენობა შევამციროთ. პარიზში სახლიდან რომ გამოხვიდეთ, თუ პირბადე არა გაქვთ,135 ევროთი დაგაჯარიმებენ. საქართველოში რეგულაციების დარღვევისთვის ჯარიმები ძალიან მაღალი უნდა იყოს.
დამთავრდეს ტკბილი ლაპარაკი, აქ არის საუბარი ადამიანის სიცოცხლეზე. რეალურად, საქართველოში არის კოვიდპაციენტებისთვის კარგი 500 რეანიმაციული საწოლი. ქვეყანა ვერ გაქაჩავს. ნახავთ, ქვეყანაში ორ კვირაში, რა მდგომარეობა იქნება”,- განაცხადა ფხაკაძემ.
გიორგი ფხაკაძესთან ინტერვიუ ნახეთ სრულად.
