“ნამახვანჰესის” მშენებლობის მოწინააღმდეგეებმა ქუთაისში, ჭავჭავაძის ქუჩა გადაკეტეს. როგორც აქციის ერთ-ერთი ორგანიზატორი ვარლამ გოლეთიანი განმარტავს, თუ ხელისუფლება მათ მოთხოვნებს არ გაითვალისწინებს, პიკეტირება დაიწყება. ადგილზე მობილიზებულია პოლიცია.
აქციის მონაწილეების თქმით, „რიონის ხეობის მცველებს“ სოფელ ნამახვანში შესვლის უფლებას არ აძლევენ. ისინი მოუწოდებენ სამართალდამცველებს განმარტონ, რატომ არ იღებენ რკინის ჯებირებს.
შეგახსენებთ, 180-ე დღეა, რაც რიონის ხეობაში „ნამახვაჰესის“ მშენებლობას აპროტესტებენ.
