„ნაციონალური მოძრაობა“ ევროპული საბჭოს პრეზიდენტის, შარლ მიშელის მედიაციით გაფორმებულ შეთანხმებას ხელს არ მოაწერს. ამის შემდეგ პოლიტსაბჭოს სხდომის შემდეგ გამართულ ბრიფინგზე გახდა ცნობილი.
„ჩვენ მივიღეთ გადაწყვეტილება, რომ ევროპული მედიაციით შემოთავაზებულ დოკუმენტს ხელს არ ვაწერთ, მაგრამ აქვე, რა თქმა უნდა, უდიდესი პატივისცემა მინდა დავუდასტურო ევროკავშირს, პერსონალურად პრეზიდენტ მიშელს, ბატონ დანიელსონს, ამერიკის შეერთებული შტატების ელჩს საქართველოში ქალბატონ კელი დეგნანს და განსაკუთრებით დიდი მადლობა ბატონ კარლ ჰარცელს – ევროკავშირის ელჩს საქართველოში. არის ამ შეთანხმებაში ერთი პუნქტი, რომელიც ჩვენთვის კატეგორიულად მიუღებელი არის და ამ ყველაფრის გათვალისწინებით, მით უმეტეს პოსტ ფაქტუმ, ჩვენ ხელმოწერას ამ დოკუმენტზე ვერ დავსვამთ“, – განაცხადა პარტიის თავმჯდომარე ნიკა მელიამ.
შეგახსენებთ, „ერთიანი ნაციონალური მოძრაობა“ პარლამენტში შედის.
