„ერთიანი ნაციონალური მოძრაობის“ ოფისში პოლიტსაბჭოს სხდომა გაიმართა. ფრაქცია „ნაციონალური მოძრაობის“ თავმჯდომარემ რომან გოცირიძემ განაცხადა, რომ სხდომაზე რეგიონებში მაჟორიტარობის კანდიდატები განიხილეს.
ასევე, საუბარია ე.წ ჩრდილოვანი კაბინეტის შექმნაზე, რომელიც გაერთიანება „ძალა ერთობაშიას“ ფორმატში იგეგმება.
“დღევანდელი ჩვენი პოლიტსაბჭოს სხდომის მთავარი მიზანი იყო საარჩევნო კამპანიისთვის მზადება. სულ მალე გამოვაცხადებთ ჩვენს მაჟორიტარობის კანდიდატებს და დაიწყება საარჩევნო კამპანია.
მსჯელობა იყო ძირითადად მაჟორიტარობის კანდიდატებზე და იმ ტექნიკურ საკითხებზე, თუ როგორ უნდა იყოს უზრუნველყოფილი საარჩევნო კამპანია გაშლილი ფრონტით და სრულყოფილად”, – განაცხადა გოცირიძემ.
