„არანირი მნიშვნელობა არ აქვს მე დისკომფორტი შემექმნება თუ არა ოპოზიციის პარლამენტში არ შემოსვლით. მთავარია, დისკომფორტი არ შეექმნას სახელმწიფოსა და მთვარია პრობლემები არ შეექმნას ქვეყნის პარლამენტის ნორმალურ ფუნქციონირებას, სახელმწიფოს ნორმალურ ფუნქციონირებას. ამას ჩვენ უზრუნველვყოფთ, რომ ეს ასე არ მოხდეს“,- ამის შესახებ უმრავლესობის წევრმა, მამუკა მდინარაძემ მეათე მოწვევის პარლამენტის პირველი სხდომის დაწყებამდე განაცხადა.
როგორც მდიანრაძე ამბობს, ოპოზიციას შეუძლია შევიდეს პარლამეტნში და თავად დააკვირდეს საგამოძიეობო კომისიის მუშაობას.
„ნებისმიერ შემთხვევაში პარლამენტი გამართულად იმუშავებს. მე ვიტოვებ იმედს, რომ იფიქრებენ რაციონალურად და სახელმწიფოს ინტერესებიდან გამომდინარე. შედეგად, საქართველოს პარლამენტში ჩვენ ვიხილავთ ოპოზიციონერ დეპუტატებს. ჩემი აზრით, ეს უნდა მოხდეს საერთო შეთანხმების შემდეგ. ჩვენ ორივე მხრიდან, საბედნიეროდ ვისმენთ განცხადებებს, რომ მოლაპარაკებები უნდა გაგრძელდეს. ჩვენი ამერიკელი კოლეგები, პარტნიორები და მეგობრებიც გამოეხმაურნენ ამ ამბავს.
ვფიქრობ, მოლაპარაკებები გაგრძელდება და შეუძლებელია რომელიმე ოპოზიციურმა პარტიამ არ მიიღოს შეთავაზება, რომ თუ „ქართული ოცნების” სასარგებლოდ ერთ პროცენტიანი გადახრა მაინც იქნება, საგამოძიებო კომისიის ფარგლებში და ისინი შეძლებენ ვინმესთვის ამის დამტკიცებას, მაშინ იქნება რიგგარეშე არჩევნები, მაგრამ მე პირადად, დარწმუნებული ვარ, ამას ვერავინ შეძლებს. ნამდვილად არ ვაპირებთ შევირჩინოთ ბრალდება გაყალბებული არჩევნების შესახებ. ცრუ ბრალდებაა”, – განაცხადა მდინარაძემ.
დღეს მეათე მოწვევის პარალამენტის პირველი სხდომა გაიმართება. სხდომის პარალელურად, პარლამენტთან აქცია მიმდიანრეობს. ამასთან, დღეს ოპოზიციური პოლიტიკური პარტიები პარლამენტში უფლებამოსილების შეწყვეტასა და პარტიულ სიებთან დაკავშირებით მემორანდუმს მოაწერენ ხელს.
