„მთავარი არხის” გენერალური დირექტორი ნიკა გვარამია ფარულ ჩანაწერებთან დაკავშირებით თბილისის პროკურატურაში გამოკითხვაზე მივიდა.
როგორც ნიკა გვარამია ამბობს, იგი გამოძიებას მიაწვდის ინფორმაციებს, თუმცა წყაროებს არ დაასახელებს.
„მოვუყვები როგორ გავიგეთ ამ ფაილების შესახებ, მე არ ვიყავი პიროვნება ვინც ეს გაიგო, თუმცა დეტალური ახსნა მაქვს და ვეტყვი პროკურორს. ამის შესახებ ალბათ საჭიროდ ჩათვლიან სხვების გამოკითხვასაც, ამაში ტრაგიკულს ვერაფერს ვხედავ. ცხადია, რომ უნდა იყვნენ დაბარებულები ამ კრებსების შემდგენი ადამიანებიც. რაც შეეხება სასულიერო პირებს, როგორც ირკვევა მათ დიდ ყურადღებას აქცევს სახელმწიფო, შესაბამისად, არ არის გამორიცხული მათთანაც მისულიყვნენ და გამოეკითხათ”, – აღნიშნა ნიკა გვარამიამ.
ცნობისთვის, ინტერნეტსივრცეში გავრცელდა მასალები, რომელიც სავარაუდოდ, სუს-ის მიერ ფარული მიყურადების გზით პოლიტიკოსების, სასულიერო პირებისა და ჟურნალისტების მოსმენას და თვალთვალს უკავშირდება.
