“ერთიანი ნაციონალური მოძრაობის” თავმჯდომარე, ნიკა მელია რუსთავში, სასჯელაღსრულების N12 დაწესებულებაში გადაიყვანეს.
ცნობისთვის, ნიკა მელია დაკავების შემდეგ თავდაპირველად ორთაჭალაში, შინაგან საქმეთა სამინისტროში გადაიყვანეს, საიდანაც რუსთავში, სასჯელაღსრულების N12 დაწესებულებაში იქნა გადაყვანილი.
დღეს დილით, 23 თებერვალს, სამართალდამცველებმა ნიკა მელია ოფისში დააკავეს.
ნაციონალური მოძრაობის” ოფისთან სპეციალური დანიშნულების რაზმმა ცრემლსადენი გაზი გაუშვა.
ოფისთან მობილიზებული იყო სასწრაფო დახმარების ეკიპაჟები. ოფისის მიმდებარე ტერიტორიაზე ნიკა მელიას მხარდამჭერებსა და სამართალდამცველებს შორის მდგომარეობა რამდენჯერმე დაიძაბა.
მანამდე, „ნაციონალური მოძრაობის“ ოფისთან სამართალდამცველებმა რამდენიმე ადამიანი დააკავეს.
სამართალდამცველები „ნაციონალური მოძრაობის“ოფისში დღეს დილით შევიდნენ.
ცნობისთვის, ნიკა მელიას თბილისის საქალაქო სასამართლომ აღკვეთის ღონისძიებად პატიმრობა 17 თებერვალს შეუფარდა.
