“ევროპული საქართველოს” ერთ-ერთი წევრის, ლევან თარხნიშვილის განცხადებით, “ქართული ოცნება” ოპოზიციაზე ზეწოლას ახდენს, ამის შესახებ მან “რუსთავი 2”- ის ეთერში განაცხადა.
მისი თქმით, “ნაცმოძრაობის” ერთ-ერთი ლიდერის, ნიკა მელიას საქმე პოლიტიკურად მოტივირებულია.
„ეს საქმე მთლიანად პოლიტიკურია და სამწუხაროდ, ეს არ არის მხოლოდ ერთი ფაქტი და შესაბამისად ამ კონტექსტში უნდა განვიხილოთ.
ზოგადად, „ქართული ოცნება“, როგორც კი ქვეყანაში კრიზისი წარმოიქმნება ან რაიმე პრობლემა ექმნება, ცდილობს, ყურადღება გადაიტანოს ასეთი ტიპის საქმეების „გაცოცხლებით“ ან აღძვრით და, ამასთან, ცდილობს, ამ პოლიტიკური საქმეების საშუალებით ზეწოლა მოახდინოს ამა თუ იმ პოლიტიკოსზე“, – განაცხადა ლევან თარხნიშვილმა.
აღკვეთის ღონისძიების სახით შეფარდებული გირაოს პირობების შეუსრულებლობის შედეგების შესახებ გაფრთხილების მიზნით, ნიკა მელია საქართველოს გენერალურ პროკურატურაში დაიბარეს.
