ნიკა მელია პრაქტიკულად გათავისუფლებულია, – ამის შესახებ „ქართული ოცნების“ აღმასრულებელმა მდივანმა მამუკა მდინარაძემ, ტელეკომპანია „იმედის“ ეთერში განაცხადა.
“ის, პრაქტიკულად გათავისუფლებულია, მას უთხრეს, შენ შეგეფარდება კვლავ გირაო, კვლავ გექნება იგივე შესაძლებლობა, თუ შენ კანონის ჩარჩოებში ჩაჯდები. რაზე ვლაპარაკობთ, წარმოგიდგენიათ? ახლა “გეხვეწება” სახელმწიფო, პროკურატურა, ამ შემთხვევაში, შენ კანონის ჩარჩოში მოექცევი თუ არა, ამ ფორმალურ ნაწილს დააკმაყოფილებ თუ არა, შენ თავისუფალი ხარ. ხვალვე შეუძლია, გამოვიდეს ციხიდან გირაოს თანხის შეტანის შემთხვევაში”. – ამბობს მამუკა მდინარაძე.
შეგახსენებთ, 25 თებერვალს გენერალურმა საგამოძიებო უწყებამ ნიკა მელიას თავისუფლების სანაცვლოდ გირაოს გადახდა შესთავაზა.
