პოლიტპატიმრების, ნიკა მელიასა და გიორგი რურუას გათავისუფლება პატიმრობიდან, ეს არის პირველი ნაბიჯი, რომელიც შესაძლებელს გახდის მხარეებს შორის რაიმე შეთანხმების მიღწევას, – ამის “ნაციონალური მოძრაობის” წევრმა, სალომე სამადაშვილმა ჟურნალისტებთან საუბრისას განაცხადა.
მისი თქმით, პოლიტიკური კრიზისის აღმოსაფხვრელად მხარეებს შორის ნდობა უნდა აღდგეს, რაც პოლიტპატიმრების გათავისუფლებით გახდება შესაძლებელი.
,,პოლიტპატიმრების, ნიკა მელიასა და გიორგი რურუას გათავისუფლება პატიმრობიდან, ეს არის პირველი ნაბიჯი, რომელიც შესაძლებელს გახდის მხარეებს შორის რაიმე შეთანხმების მიღწევას, იმიტომ რომ ეს არის ნდობის აღდგენის მექანიზმი. გიორგი რურუას დატოვებამ საპატიმროში 8 მარტის შეთანხმების შემდეგ, მიიყვანა ქვეყანა კრიზისამდე სწორედ იმიტომ, რომ ჩვენ ვერ შევძელით იმ ნდობის შექმნა მხარეებს შორის, რომელიც აუცილებელი იყო პოლიტიკური კრიზისის განსამუხტად. ამიტომ, გიორგი რურუა უნდა გათავისუფლდეს საპატიმროდან, იმიტომ რომ ეს იყო პირობა რომელიც გასცა ხელისუფლებამ 8 მარტის შეთანხმების ფარგლებში და ნიკა მელია უნდა წარმოადგენდეს საბოლოოდ მოლაპარაკებების მაგიდაზე ერთიან ნაციონალურ მოძრაობას. დანარჩენ საკითხებზე, რომელიც არის ასევე პრინციპულად მნიშვნელოვანი, იმიტომ რომ ყველა ის საკითხი, რომელიც არის შესული ბატონი მიშელის გეგმაში, შეეხება არა რომელიმე ერთი პოლიტიკური პარტიის ან სუბიექტის ინტერესს, არამედ უკავშირდება ქვეყანაში რეალურად დემოკრატიული პროცესების აღდგენას. ამიტომ ყველა ეს საკითხი არის მნიშვნელოვანი, თუმცა პატიმრების გათავისუფლება შექმნის სწორედ სივრცეს, რომელიც არის საჭირო ამ კომპლექსურ და ძალიან რთულ საკითხებზე საუბრისთვის.”, – განაცხადა სალომე სამადაშვილმა.
