ფეხბურთელ გიორგი შაქარაშვილის საქმეზე დაკავებული ნიკოლოზ რევაზიშვილის ბრალდების სისხლის სამართლის საქმეს არსებითად ნაფიც მსაჯულთა სასამართლო განიხილავს.
როგორც ჟურნალისტებთან საუბრისას მისმა ადვოკატმა, შოთა კახიძემ განაცხადა, ბრალდებულს სურს, რომ მისი საქმე საზოგადოებამ განიხილოს.
„ეს ნიკა რევაზიშვილის გადაწყვეტილებაა. თუ აქამდე, საზოგადოების ინფორმირება საქმის გარემოებების შესახებ მედიის მეშვეობით ხორციელდებოდა, ახლა უკვე საზოგადოების წარმომადგენლებს შესაძლებლობა ექნებათ თავად ჩაიხედონ უშუალოდ სისხლის სამართლის საქმეში და თავად განახორციელონ რეალური მართლმსაჯულება აღნიშნულ სისხლის სამართლის საქმეში. ნიკა რევაზიშვილი უნდობლობას უცხადებს მორჩილ სასამართლო სისტემას,“- განაცხადა ადვოკატმა.
შეგახსენებთ,მ ფეხბურთელ გიორგი შაქარაშვილის საქმეზე დაკავებულ პირებს ძალადობას, ძალადობის ორგანიზებას, მასში მონაწილეობასა და თავისუფლების უკანონო აღკვეთას ედავებიან.
