ნინოწმინდის პანსიონის გარშემო საზოგადოების ინტერესი საკმაოდ მაღალია. ნინოწმინდაში „კურიერი“ კიდევ ერთხელ იყო ჩასული. ტერიტორიაზე ჟურნალისტი კვლავ არ შეუშვეს, თუმცა რამდენიმე ბავშვთან გასაუბრება მაინც მოხერხდა.
როგორც ბენეფიციარები ყვებიან, ისინი პანსიონში თავს კარგად გრძნობენ.
„აქ არაფერი არ ხდება. კარგად ვიზრდებით, კარგად ვსწავლობთ. სკოლაში მივდივართ, ექსკურსიებზე დავდივართ, დენდროლოგიურ პარკში. ორი მასწავლებელია მარტო. დახურულ სივრცეში ბევრი მასწავლებელი არ შეიძლება“,- ამბობენ ბავშვები.
პანსიონში არ უშვებენ სახალხო დამცველსაც. ნინო ლომჯარია აცხადებს, რომ ნინოწმინდის ბავშვთა პანსიონში ბენეფიციარების მიმართ სავარაუდო ძალადობასთან დაკავშირებით ბოლო წლების განმავლობაში არაერთი სისხლის სამართლის საქმეა აღძრული.
შეგახსენებთ, რომ სახალხო დამცველს ნინოწმინდის პანსიონში ბავშვთა მდგომარეობის მონიტორინგისთვის უკვე თვეზე მეტია, რაც არ უშვებენ.
მართლმადიდებელი ეკლესიის დაქვემდებარებაში მყოფ დაწესებულებაში 56 ბავშვი ცხოვრობს.
