ევროპული სამეზობლო პოლიტიკისა და გაფართოების საკითხებში ევროკომისარი ოლივერ ვარჰეი საქართველოს პრემიერ-მინისტრ ირაკლი ღარიბაშვილთან შეხვედრას სოციალურ ქსელ „ტვიტერში“ ეხმაურება.

„შევხვდი საქართველოს პრემიერ-მინისტრ ირაკლი ღარიბაშვილს ევროკავშირი-საქართველოს ასოცირების საბჭოს სხდომამდე. განვიხილეთ ქვეყანაში არსებული პოლიტიკური ვითარება და გამოსავლის პოვნის აუცილებლობა, ასევე ბრძოლა „კოვიდ-19“-ის წინააღმდეგ და ეკონომიკის აღდგენა პანდემიის შემდგომ“, – წერს ევროკომისარი.

საქართველოს პრემიერ-მინისტრი ირაკლი ღარიბაშვილი ბრიუსელში ვიზიტის ფარგლებში, ევროპული სამეზობლო პოლიტიკისა და გაფართოების საკითხებში ევროკომისარს ოლივერ ვარჰეის დღეს შეხვდა.

With Prime Minister @GharibashviliGe today, ahead of #EU #Georgia Association Council meeting. Discussed political developments in the country & need for solution as well as fight against #COVID19 & post-pandemic economic recovery. pic.twitter.com/X3mjXSTWMd

— Oliver Varhelyi (@OliverVarhelyi) March 16, 2021