“კონსერვატიული პარტიის” ლიდერი, ზვიად ძიძიგური აცხადებს, რომ საპარლამენტო ტრიბუნა ოპოზიციისთვის ხელისუფლებაზე გავლენის მოხდენის მნიშვნელოვანი ბერკეტია და მასზე უარი არ უნდა თქვან.
„დრამატული ვითარებაა. ოპოზიციის ერთი ნაწილი მთლად მკაფიოდ არ ამბობს შევა თუ არა პარლამენტში და როგორ. არც ხელისუფლება გამოიყურება მთლად დამშვიდებულად. ჩემი პოზიცია თავიდანვე იყო, რომ ოპოზიცია უნდა შესულიყო პარლამენტში. თუ რამდენიმე ადამიანი მიიღებს პარლამენტში შესვლის გადაწყვეტილებას, დარწმუნებული ვარ, რომ მათ ოპოზიციური სპექტრიდან მიმბაძველები გამოუჩნდებიან და ერთპარტიული პარლამენტი, რაზეც იყო საუბარი, არ მგონია გამოვიდეს. მინდა ვთქვა, რომ ოპოზიცია უნდა იყოს პარლამენტში და არა ქუჩაში. ქუჩის ბერკეტის გამოყენებაც შეუძლია, როდესაც პარლამენტში იქნება და რატომ უნდა თქვა უარის ისეთ ბერკეტზე, როგორიც საპარლამენტო ტრიბუნა არის, გაუგებარია“, – განაცხადა ზვიად ძიძიგურმა “ტვ პირველთან”.
