თავდაცვისა და უსაფრთხოების კომიტეტის თავმჯდომარე ირაკლი ბერაია გამოეხმაურა ოპოზიციის წევრების გაკეთებულ განცხადებებს თვითმმართველობის არჩევნებისთვის ბოიკოტის შესაძლო გამოცხდების თაობაზე:
“მათი გადასაწყვეტია რას გამოუცხადებენ ბოიკოტს. ჩვენ ვცხოვრობთ თავისუფალ ქვეყანაში ყველას აქვს თავისუფალი მოქმედებების შესაძლებლობა. თუკი ვინმე ჩათვლის, რომ კონკრეტულ პროცესებს უნდა გამოუცხადოს ბოიკოტი, ეს არის მათი გადასაწყვეტი. რაც შეეხება აქციებს, ვისაც აქვს სურვილი, რომ ქუჩაში გამოხატოს პროტესტი კანონის ფარგლებში, ეს არის დასაშვები და ყველას აქვს ამის შესაძლებლობა.
ოპოზიციის გეგმებს აქციებთან დაკავშირებით სერიოზულად არ აღვიქვამ და ვთვლი, რომ მათ ამის არანაირი რესურსი არ აქვთ,”- განაცხადა ბერაიამ.
ცნობისათვის, “ევროპული საქართველოს” ერთ- ერთმა ლიდერმა, გიგა ბოკერიამ გაზაფხულისთვის აქციები დაანონსა.
მან ასევე არ გამორიცხა, რომ შესაძლოა, თვითმმართველობის არჩევნებს ბოიკოტი გამოუცხადონ.
