“ქართულ ოცნებას” არ ჰქონდა რესურსი იმისა, რომ ადგილობრივი არჩევნები თამარ ჟვანიას პირობებში ჩაეტარებინა, ამიტომ იძულებული იყვნენ, ჟვანიასგან გადადგომა მოეთხოვათ, – აღნიშნული განცხადება ჟურნალისტებთან ფრაქცია “ნაციონალური მოძრაობა – ძალა ერთობაშიას” წევრმა ლევან ბეჟაშვილმა გააკეთა.
„ბუნებრივია, ჩვენი ამოცანა უნდა იყოს, რომ ახალი თამარ ჟვანია არ დაინიშნოს. ჩვენ დაველოდებით კონკურსის ჩატარებას, თუ რომელ კანდიდატურებს წარმოადგენს პრეზიდენტი. ბუნებრივია, ჩვენი ინტერესია, ისეთი კანდიდატი შეირჩეს, ვისაც მაღალი საზოგადოებრივი და პოლიტიკური ნდობა ექნება.
ცესკოს თავმჯდომარის კანდიდატურა შესაძლოა იყოს კონსენსუსის საგანი თუკი ამის პოლიტიკური ნება იქნება, ხოლო ის თუ როგორია პოლიტიკური ნება, უახლოეს დღეებში გამოჩნდება. პრეზიდენტის მიერ წარმოდგენილი კანდიდატურებით გამოჩნდება, რამდენად მოწადინებულია ხელისუფლება, ცენტრალური საარჩევნო კომისიის თავმჯდომარესთან დაკავშირებით პოლიტიკური კონსენსუსი შედგეს”, – დეპუტატმა განაცხადა ლევან ბეჟაშვილმა.
შეგახსენებთ, გუშინ ცესკოს თავმჯდომარემ თამარ ჟვანიამ თანამდებობა დატოვა.
