„ოცნებასთან“ მიმართებაში ულტიმატუმის ენა უნდა იყოს გამოყენებული, მათ მხოლოდ ეს ენა ესმით. რადგან დარწმუნებული ვარ, რომ როდესაც ერთ ხაზზე ევროპელი დიპლომატები ურეკავენ, მეორე ხაზზე რუსები ჰყავთ და აგულიანებენ არაფერი დათმოთო!, – ამის შესახებ „ტრიბუნას“ ლიდერმა დავით ჭიჭინაძემ განაცხადა.
„ამიტომ ვთვლი, რომ ის რაც დღეს ხდება, რუსული თამაშია. ცივილიზებული სამყარო კი, რაც არ უნდა დიპლომატიურად ცდილობდეს, რუსულ აგრესიას ზუსტად იგივე მეთოდებით თუ არ ვუპასუხებთ და დავუპირისპირდებით არაფერი გამოვა. სხვა შემთხვევაში სამოქალაქო დაპირისპირებამდე მივალთ. სანქციებამდეც აუცილებლად მივალთ. ხოლო, როდესაც სანქცირებული მმართველები გყავს, ეს ქვეყანასაც ეხება და ასე აუცილებლად გადაგვჩეხავენ“, – განაცხადა ჭიჭინაძემ.
