პარლამენტში ამნისტიის საკითხის განხილვა უქმე დღეების გამო გადაიდება. პარლამენტში ამ დროისთვის ორი კანონპროექტია დარეგისტრირებული.
როგორც ოპოზიციონერი სალომე სამადაშვილი ამბობს, ოპოზიციის კანონპროექტი სიზუსტით ასახავს შეთანხმების არსს.
„ჩვენი კანონპროექტი აბსოლუტური სიზუსტით ასახავს იმ შეთანხმებას, რომელიც მიღწეული იქნა. გაჟღერდა ინიციატივა საგამოძიებო კომისიის შექმნისაც, მაგრამ ჩვენი პოზიცია არის, ვფიქრობ, ნათელი, რომ ერთადერთი კანონპროექტი, რომელსაც ჩვენ მხარს დავუჭერთ ეს არის ის კანონპროექტი, რომელიც ჩვენ დავარეგისტრირეთ. თუ რაიმე შეჯერებული პოზიციის ჩამოყალიბება მოხერხდება პარლამენტში სამუშაო პროცესში შესაბამისად გადავხედავთ ჩვენს პოზიციას,” – განაცხადა სალომე სამადაშვილმა.
ამასთან, პარლამენტის წევრის, გურამ მაჭარაშვილის განცხადებით, ხელისუფლების მიერ ინიცირებული კანონპროექტი ზუსტად პასუხობს იმ პათოსს და პრინციპებს, რომელიც შარლ მიშელის დოკუმენტში არის მითითებული.
