საქართველოს პარლამენტის საგარეო ურთიერთობათა კომიტეტი ახალ ინიციატივას ნერგავს, რომლის ფარგლებშიც, კომიტეტში უცხო ქვეყნის ელჩების მოსმენა გაიმართება. მოსმენების დროს ელჩები საკუთარ ქვეყნებსა და საქართველოს შორის ურთიერთობებსა და თანამშრომლობის პერსპექტივებზე ისაუბრებენ.
ახალი ინიციატივის ფარგლებში, დღეს პირველი მოსმენა გაიმართება. პარლამენტში საქართველოში გერმანიის ფედერაციული რესპუბლიკის საგანგებო და სრულუფლებიან ელჩს, ჰუბერტ ქნირშს ელოდებიან. ივნისის თვეში ასევე დაგეგმილია იაპონიის ელჩის მოსმენაც.
საგარეო ურთიერთობათა კომიტეტის თავმჯდომარის, ნიკოლოზ სამხარაძის განცხადებით, გერმანიის ელჩის მოხსენების შედეგ სხდომა კითხვა-პასუხის რეჟიმში წარიმართება. მისივე განმარტებით, საქართველო-გერმანიის ურთიერთობების გარდა, აქცენტირებული იქნება ნატო-სა და ევროკავშირთან საქართველოს ურთიერთობების საკითხი და ამ გზაზე გერმანიის როლი.
