ძალადობრივი მოწოდებებისა და სიცოცხლის მოსპობის მუქარის გამო ხვალ პარლამენტთან დაგეგმილი აქცია-პერფორმანსი გაუქმდა. აქციის ორგანიზატორებს „სახელწმიფოს პანაშვილი“ ჰქონდათ დაანონსებული და ძალადობრივი ჯგუფების მიერ პარლამენტთან აღმართულ ჯვართან ყვავილების მიტანას აპირებდნენ, ასევე, უნდა მოეთხოვათ ჯვრის აღება.
სოციალურ ქსელში დაანონსებული ღონისძიება უკვე წაშალეს.
როგორც აქციის ერთ-ერთმა ორგანიზატორმა განაცხადა, ღონსიძიების გაუქმების მიზეზი ის გახდა, რომ ქვეყანაში აზრის გამოხატვა სასიცოცხლო საფრთხეებს შეიცავს.
ცნობისთვის, ჯვარი ძალადობრივმა ჯგუფებმა და საპატრიარქოს სასულიერო პირებმა 5 ივლისს აღმართეს.
ჰომოფობიური და ძალადობრივი ჯგუფების თავდასხმის შედეგად 5-6 ივლისს 50-ზე მეტი ჟურნალისტი დაშავდა.
