ფაქტების გარეშე გაყალბებაზე ლაპარაკი ძალიან რთულია და არც არის მიზანშეწონილი, – ამის შესახებ „ევროპელი სოციალისტების“ წევრმა, დავით ზილფიმიანმა განაცხადა.
„საგამოძიებო კომისიაში აუცილებლად ვიქნები. დროებითი საგამოძიებო კომისიის შექმნის საკითხი ძალიან მნიშვნელოვანია იმის ფონზე, რაც დღეს ხდება. როცა საზოგადოება თვლის, რომ არჩევნები გაყალბდა, შინაგანი რწმენის განმტკიცება შეიძლება მხოლოდ ფაქტებით და ამ ფაქტების არქონის ლაპარაკი ძალიან რთულია და არც არის მიზანშეწონილი. ყველას მოვუწოდებ, ყველა ის გარემოება მოგვაწოდონ, რას უნდა მიექცეს ყურადღება და რა სეგმენტში მოხდა გაყალბება და როგორ. უნდა მივაღწიოთ იმას, რომ დღემდე ლაპარაკადქცეულ საკითხზე ფაქტობრივი გარემოება დადგეს. ეს არის მიზანი ჩემი კომისიაში შესვლის“, – განაცხადა ზილფიმიანმა.
