სომხეთის პრემიერ-მინისტრის, ნიკოლ ფაშინიანის განცხადებით, რუსი სამშვიდობოების ყოფნის ვადა მთიან ყარაბაღში მხოლოდ 5 წლით არ შემოიფარგლება. ინფორმაციას სომხური მედია ავრცელებს.
„5 წელიწადში უნდა მოვასწროთ რეგიონში უსაფრთხოებისა და სტაბილურობის გარანტიების შექმნა, მაგრამ იმის გათვალისწინებით, რომ მთიან ყარაბაღს კონფლიქტს მრავაწლიანი ისტორია აქვს, მე არ ვფიქრობ, რომ რეგიონში რუსი სამშვიდობოების ყოფნის ვადა ხუთი წლით შემოიფარგლება. ჩემი აზრით, ახლა ყველაზე მთავარია მთიან ყარაბაღისა და მისი მოსახლეობის სტაბილურობის უზრუნველყოფა. იმედი მაქვს, რომ რუსი სამშვიდობოების მისია წარმატებული იქნება და ისინი მიაღწევენ დასახულ მიზნებს“, – აცხადებს ფაშინიანი.
შეგახსენებთ, რომ 9 ნოემბერს სომხეთის პრემიერ-მინისტრმა, აზერბაიჯანის პრეზიდენტმა და რუსეთის პრეზიდენტმა ხელი მოაწერეს შეთანხმებას, რომლითაც მთიანი ყარაბაღი და მის ახლო მდებარე რაიონების ნაწილი ბაქოს გადაეცემა.
ასევე, სომხეთი და აზერბაიჯანი მთიან ყარაბაღში რუსი მშვიდობისმყოფელების განლაგებაზე შეთანხმდნენ.
