კორონავირუსის „ომიკრონი“ ვარიანტის გაჩენა ვაქცინაციის ან გამაძლიერებელი დოზის მიღების მნიშვნელობას ხაზს უსვამს, – ამის შესახებ აშშ-ის ალერგიისა და ინფექციური დაავადებების ცენტრის დირექტორმა, ენტონი ფაუჩიმ განაცხადა. ინფორმაციას CNN-ი ავრცელებს. 

„ჩვენი გამოცდილება „დელტა“ ვარიანტთან ცხადყოფს, რომ მიუხედავად იმისა, რომ ვაქცინა კონკრეტულად „დელტა“ ვარიანტზე გამიზნული არ არის, როდესაც იმუნური პასუხის საკმარისად მაღალ დონეს მიიღებთ, თქვენ ასევე მიიღებთ დაცვას იმ ვარიანტისგანაც კი, რომელზეც ვაქცინა გამიზნული არ იყო. მიუხედავად იმისა, რომ ახალი ვარიანტის შესახებ ბევრი მონაცემი არ გვაქვს, შეგვიძლია ვიფიქროთ, რომ გამაძლიერებელი დოზით გაზრდილი იმუნიტეტი სასარგებლო იქნება, სულ მცირე, ერთი ვარიანტით გამოწვეული მძიმე დაავადების თავიდან ასაცილებლად“, – აღნიშნა ენტონი ფაუჩიმ.