დაჭრილი ლევან თოფაძის ადვოკატი გიორგი ანთაძე არ ადასტურებს საქმეში მაკრატლის არსებობას.
„ოჯახის წევრები მაკრატელს არ ახსენებენ. როგორც ჩემთვის ცნობილია, დაჭრილია ბლაგვი, მჭრელი საგნით, მაკრატელია ეს თუ დანა ამას შესაბამისი ექსპერტიზა სჭირდება და ამოღებული უნდა იყოს დანაშაულის საგანი. გამოძიებით უნდა დადგინდეს რამდენი ადამიანი იყო იქ მისული. საუბარია ოთხ ჭრილობაზე, თუ რამდენმა ადამიანმა მიაყენა და არის თუ არა ეს ერთიდაიმავე საგნით, ამას ექსპერტიზა სჭირდება.
ბუსა ჟვანიას, ჩემი ინფორმაციით, სახლში აქვს მიყენებული ჭრილობა. მე როგორც ვიცი დაზიანება აქვს მიყენებული, თვითონ მიაყენა თუ სხვამ, არვიცი, ლევანს არ მიუყენებია.
ჯანმრთელობის მდგომარეობა სტაბილურია, მძიმე ოპერაცია გადაიტანა, თუმცა შეუძლებელია მისი საგამოძიებო მოქმედებებში მონაწილეობა.
პროკურატურის პრეროგატივაა რომელი მუხლით იქნება საქმე აღძრული. როცა შეიკრიბება მტკიცებულებები, განისაზღვრება დაზიანებების სიმძიმე, მაღალი ალბათობით გადაკვალიფიცირდება,- განაცხადა ანთაძემ.
ბუსა ჟვანიას, ბიზნესმენ გოგი თოფაძის შვილიშვილის, ლევან თოფაძის, დაჭრისთვის ბრალს სავარაუდოდ დღეს წარუდგენენ.
