ფილიპინებში ვაქცინაციაის პროცესი დაიწყო. ინფორმაციას ამის შესახებ Guardian-ი ავრცელებს.
პირველ რიგში ვაქცინას სამედიცინო პერსონალს გაუკეთებენ.
„თქვენ ნამდვილად გმირები ხართ ამ პანდემიის დროს. ამიტომ პირველებმა სწორედ თქვენ უნდა მიიღოთ კოვიდის ვაქცინა“,- ასე მიმართა პრეზიდენტის პრესპიკერმა სამედიცინო პერსონალს.
ფილიპინები 2021 წელს 70 მილიონი ადამიანის ვაქცინაციას გეგმავს. ქვეყნის მოსახლეობა 108 მილიონს შეადგენს.
პანდემიის დაწყებიდან დღემდე ფილიპინებში კორონავირუსის 576,352 შემთხვევა დაფიქსირდა. ვირუსით 12,318 ადამიანი გარდაიცვალა.
