“ფრენების აღდგენა არის სინამდვილეში უბრალოდ სიტყვების თამაში, რომ ლამაზად ჟღერს. თუ არავის არ ექნება შემოსვლის საშუალება, მაშინ იაროს ცარიელმა თვითმფრინავმა აქეთ იქით”, – ამის შესახებ კომპანია ”Inn ჯგუფის” აღმასრულებელმა დირექტორმა, ერეკლე კოკაიამ “რუსთავი 2-ის” ეთერში განაცხადა.
ერეკლე კოკაია მიიჩნევს, რომ ფრენებზე შეზღუდვა მოიხსნა, როცა გადაადგილებაზე არსებული სხვა თითქმის ყველა შეზღუდვა ძალაში დარჩა, ეკონომიკაზე უარყოფითად იმოქმედებს.
“დღეს გაირკვა, რომ არ გახსნიან სახმელეთო საზღვარს, რაც ჩვენი აზრით, არასწორი მიდგომაა. პირიქით, იმისთვის რომ ტურიზმი აღდგეს, პირველ რიგში, უნდა გაიხსნას სახმელეთო საზღვარი გარკვეული შეზღუდვებით. მაგალითად, პირველი ეტაპისთვის, შეიძლება ისე გავაკეთოთ, რომ საზღვარი გაიხსნას მხოლოდ იმ ადამიანებისთვის, ვისაც აქვს ანტი სხეულები. ვისაც ვაქცინა აქვს გაკეთებული, ან ვისაც კოვიდი აქვს გადატანილი. თვითონ ეპიდემიოლოგები და ექსპერტები გვეუბნებიან ჯანდაცვის სფეროდან, რომ ვისაც გადატანილი აქვს კოვიდი, იმას აქვს ანტისხეულები და თუ ანტისხეულები გაქვს, მაშინ შენ არანაირ საფრთხეს არ წარმოადგენ სხვებისთვის და სხვები არ წარმოადგენენ საფრთხეს შენთვის.
შესაბამისად, ჩვენთვის გაურკვეველია, რატომ არ გაიხსნა საზღვარი ასეთი ადამიანებისთვის. ლოგიკური ახსნა არ აქვს.
ფრენების აღდგენა არის სინამდვილეში უბრალოდ სიტყვების თამაში, რომ ლამაზად ჟღერს. თუ არავის არ ექნება შემოსვლის საშუალება, მაშინ იაროს ცარიელმა თვითმფრინავმა აქეთ იქით, ეს ჩვენთვის არანაირი გამოსავალი არ არის. მიუხედავად იმისა, რომ საქართველო იმყოფება წითელ ზონაში, სხვა ქვეყნებში, მაგალითად, დუბაიში შესაძლებელი იქნება ქართველებისთვის გაფრენა, მაგრამ იქაური ტურისტებისთვის საქართველოში ჩამოსვლა შეუძლებელი იქნება. ანუ, ამ ფრენების აღდგენა რეალურად გამოიწვევს ფულის გადინებას და არა შემოდინებას, რაც ჩვენი ეკონომიკისთვის პირიქით, საზიანოა,“ – ამბობს ერეკლე კოკაია.
