„ქართული ოცნების“ აღმასრულებელი მდივანი, მამუკა მდინარაძე საქართველოს დამოუკიდებლობის აღდგენასთნ დაკავშირებით ჩატარებულ რეფერენდუმს ეხმაურება.
„საქართველოში პირველი რეფერენდუმის ჩატარებიდან 30 წელი გავიდა და ეს დღე, როგორც უმნიშვნელოვანესი თარიღი, ქვეყნის ისტორიაში შევიდა. სწორედ ამ რეფერენდუმმა აღადგინა საქართველოსთვის წართმეული დამოუკიდებლობა.
რეფერენდუმის იდეა, ინიციატივა და ორგანიზება ეკუთვნოდა საქართველოს პირველ პრეზიდენტს ზვიად გამსახურდიას, რომელსაც დღეს 82 წელი შეუსრულდებოდა“,- ამბობს მამუკა მდინარაძე.
