ზუგდიდის მუნიციპალიტეტში, 2019 წლიდან განზრახ მკვლელობის მცდელობისთვის და ცეცხლსასროლი იარაღის მართლსაწინააღმდეგო ტარებისთვის ძებნილი – 1972 წელს დაბადებული ბ.გ. დააკავა. ამბის შესახებ ინფორმაციას შინაგან საქმეთა სამინისტრო ავრცელებს.
“გამოძიებით დადგენილია, რომ ბ.გ.-მ 2019 წლის აპრილში, ზუგდიდის მუნიციპალიტეტის სოფელ გრიგოლიში, ყოფით ნიადაგზე დაწყებული ურთიერთშელაპარაკების შემდეგ, თავის ნაცნობს ა.ლ.-ს ცეცხლსასროლი იარაღიდან გასროლით ჯანმრთელობის დაზიანება მიაყენა და მიიმალა. დაჭრილ მამაკაცს კლინიკაში შესაბამისი მკურნალობა ჩაუტარდა”, – წერია განცხადებაში.
წყარო იუწყება, რომ შსს-ს მიერ საქართველოს სისხლის სამართლის კოდექსის 19-108-ე და 236-ე მუხლებით ჩატარებული გამოძიების შედეგად, ზუგდიდის სასამართლომ ბ.გ. დამნაშავედ ცნო. მას დაუსწრებლად 7 წლით თავისუფლების აღკვეთა მიუსაჯა.
