პოლონეთის საგარეო საქმეთა სამინისტრო დავით ზალკალიანის და ზბიგნევ რაუს შეხვედრის შესახებ განცხადებას ავრცელებს.
„შეხვედრისას პოლონეთის საგარეო საქმეთა მინისტრი შეეხო საქართველოში საპარლამენტო არჩევნების შემდეგ პოლიტიკური სცენის მთავარ მონაწილეებს შორის არსებულ უთანხმოებასა და ოპოზიციური პარტიების მიერ საპარლამენტო მუშაობის ბოიკოტის გამოცხადების საკითხსაც.
მან ხაზი გაუსვა, რომ პარლამენტის ეფექტიან ფუნქციონირებას გადამწყვეტი მნიშვნელობა აქვს არა მხოლოდ ევროატლანტიკურ ალიანსთან დაახლოების პროცესიდან გამომდინარე ვალდებულებების შესასრულებლად, არამედ კოვიდ 19-ის პანდემიით გამოწვეული ჯანმრთელობისა და სოციალურ ეკონომიკური გადაუდებელი პრობლემების გადასაჭრელად. ყველა პარტიის ინტერესში შედის საჭირო ნაბიჯების გადადგმა, საარჩევნო პროცესისადმი სრული ნდობის აღსადგენად“, – ნათქვამია პოლონეთის საგარეო უწყების განცხადებაში.
