პორტუგალია შეზღუდვების შემსუბუქებას იწყებს. ინფორმაციას ამის შესახებ Guardian-ი ავრცელებს.
ქვეყნის მთავრობის განცხადებით, ქვეყანაში საბავშვო ბაღები, სკოლები, სილამაზის სალონები და წიგნის მაღაზიები გაიხსნება.
რესტორნები მუშაობას მაისის თვეში განაახლებენ.
პანდემიის დაწყებიდან დღემდე პორტუგალიაში კორონავირუსის 814,257 შემთხვევა დაფიქსირდა. ვირუსს 16,684 ადამიანის სიცოცხლე ემსხვერპლა.
გამოჯანმრთელებულთა რაოდენობა 759,417-ს შეადგენს.
