„პორტუგალიის ჯანდაცვის სისტემა კოლაფსის ზღვარზეა, ახალი შემთხვევების მატების გამო ინტენსიური თერაპიის განყოფილებაში საწოლების რაოდენობა იწურება“,- ამის შესახებ პორტუგალიის ჯანდაცვის მინისტრმა, მარტა ტემიდომ განაცხადა.

ინფორმაციას Reuters-ი ავრცელებს.

„არსებობს ზღვარი და ჩვენ მასთან ძალიან ახლოს ვართ“,- აცხადებს ტემიდო.

პანდემიის დაწყებიდან დღემდე პორტუგალიაში კორონავირუსის 549 801 შემთხვევაა გამოვლენილი. გარდაიცვალა 8 861 ადამიანი.

გამოჯანმრთელებულთა რაოდენობა 406 929-ს შეადგენს.