მოსამართლეების დანიშვნის პროცესი არ უნდა შეჩერდეს, ამის შესახებ საქართველოს პრეზიდენტმა სალომე ზურაბიშვილმა განაცხადა.
“მე კრიტიკა ჯერ შარლ მიშელისგან არ გამიგია. დოკუმენტში წერია “პაუზა” და არა “შეჩერება” და ეს ორი სხვადასხვა რამეა. ვიცი, რამდენად გადატვირთულია ჩვენი სასამართლო, ამიტომ შეჩერება არ მიმაჩნია სწორად. ამაზე მქონდა კიდევაც ამერიკის ელჩთან საუბარი.
მე მგონი, უნდა გავაგრძეალოთ ბევრი მიმართულებით, ეს იქნება საარჩევნო კოდექსი, ამნისტიის კანონი, სამართლებრივი კუთხით და მივაღწევთ შედეგს,” – განაცხადა სალომე ზურაბიშვილმა.
შეგახსენებთ, იუსტიციის უმაღლესმა საბჭომ უზენაესი სასამართლოს მოსამართლეობის ცხრავე კანდიდატს მხარი დაუჭირა, სია დასამტკიცებლად პარლამენტს წარედგინება და კანდიდატებთან გასაუბრება გაიმართება.
