პრეზიდენტმა ზაზა გახელაძის ოჯახი ორბელიანების სასახლეში მიიღო. ფოტო სალომე ზურაბიშვილმა ფეისბუკის ოფიციალურ გვერდზე გამოაქვეყნა.
9-თვიანი უშედეგო ლოდინის შემდეგ ოჯახი ამბობს, რომ ბრძოლის გაგრძელებას გეგმავენ. ისინი საქართველოს პრეზიდენტთან, პრემიერთან, პარლამენტის თავმჯდომარესთან, საერთაშორისო ორგანიზაციებთან შეხვედრებს გეგმავენ და კიდევ ერთხელ სთხოვენ დახმარებას უკანონო პატიმრობაში მყოფი საქართველოს მოქალაქის გათავისუფლებაში. იმ შემთხვევაში, თუ უახლოეს პერიოდში შედეგი არ იქნება,არც საპროტესტო აქციებს გამორიცხავენ.
ცნობისთვის, ზაზა გახელაძე უკვე 9 თვეა დაკავებულია. მას ცხინვალის დე ფაქტო სასამართლომ ე.წ. საზღვრის უკანონოდ გადაკვეთისა და სამხედრო მოსამსახურის სიცოცხლის ხელყოფის გამო 12 წლით პატიმრობა მიუსაჯა.
