გენდერული ნიშნით, ოჯახის წევრის წამების, ძალადობისა და მუქარის ფაქტთან დაკავშირებით, საქართველოს პროკურატურამ დამნაშავე – გ.ხ.-ს ბრალდება წარუდგინა. ამბის შესახებ აღნიშნული სახელისუფლებო ორგანო იუწყება.

წყარო მიხედვით, აღნიშნულ საქმეზე ჩატარებული გამოძიებით დადგინდა, რომ მიმდინარე წლის 24 თებერვალს, ქ. თბილისში, გ.ხ.-მ, იმის გამო, რომ მისი აზრით, თავის მეუღლეს – ს.მ.-ს არ ჰქონდა მამრობითი სქესის მეგობრების ყოლის, მათთან მიმოწერისა და საკუთარი თანხების დამოუკიდებლად განკარგვის უფლება, იგი აწამა.

“გ.ხ. დაზარალებულს 4-5 საათის განმავლობაში ფიზიკურ შეურაცხყოფას აყენებდა, რა დროსაც იატაკზე დააგდო და ხელებით და ფეხებით ურტყამდა სახისა და სხეულის სხვადასხვა არეში. შემდეგ კი ძალის გამოყენებით სააბაზანოში შეიყვანა და ცივი შხაპის ქვეშ ამყოფებდა. გ.ხ.-ს ქმედებები მიზნად ისახავდა ს.მ.-ს იძულებას, ეღიარებინა ღალატი და დაესახელებინა პირი, ვისაც თანხა ასესხა. გამოძიებით ასევე დადგინდა, რომ 2021 წლის 25 თებერვალს, გ.ხ. გენდერის ნიშნით შეუწყნარებლობის მოტივით, ცეცხლსასროლი იარაღით სიცოცხლის მოსპობით დაემუქრა მეუღლეს ს.მ.-ს, მეუღლის მშობლებს გ.მ.-ს, ლ.ს.-ს და ძმას გ.მ.-ს, ხოლო გენდერის ნიშნით შეუწყნარებლობის მოტივით ფიზიკურად იძალადა მეუღლის მამაზე და ძმაზე”, – წერია განცხადებაში.

წყარო იუწყება, რომ გ.ხ.-ს ბრალდება საქართველოს სისხლის სამართლის კოდექსის 11¹-144¹ მუხლის პირველი ნაწილით, 11′-151 მუხლის მე-2 ნაწილის „დ“ ქვეპუნქტით (სამი ეპიზოდი), 151-ე მუხლის პირველი ნაწილით, 126¹ მუხლის პირველი ნაწილით და 126-ე მუხლის პირველი ნაწილით წარედგინა. ეს აღნიშნული,7-დან 10 წლამდე თავისუფლების აღკვეთას ითვალისწინებს.

ამ დროისთვის, თბილისის საქალაქო სასამართლოს განაჩენის მიხედვით, გ.ხ.-ს აღკვეთის ღონისძიების სახით პატიმრობა მიესაჯა.

“პროკურატურა გენდერის ნიშნით შეუწყნარებლობის მოტივით ჩადენილ დანაშაულებზე მკაცრ რეაგირებას ახორციელებს, გენდერის ნიშნით შეუწყნარებლობის მოტივით 2020 წელს სისხლისსამართლებრივი დევნა დაიწყო 208 პირის მიმართ”, – წერია განცხადებაში.