რუსეთის პრეზიდენტმა ვლადიმერ პუტინმა ხელი მოაწერა განკარგულებას, რომლის მიხედვითაც მერვე მოწვევის სახელმწიფო დუმის არჩევნები 19 სექტემბერს ჩატარდება. ინფორმაციას ამის შესახებ უცხოური მედია ავრცელებს.
„დაინიშნოს სახელმწიფო დუმის დეპუტატების არჩევნები 2021 წლის 19 სექტემბრისთვის. განკარგულება ამოქმედდეს გამოქვეყნების მომენტიდან”, – ნათქვამია დოკუმენტში.
არჩევნების შესახებ გადაწყვეტილება ოფიციალურად პრეზიდენტის ხელმოწერიდან ხუთი დღის განმავლობაში უნდა გამოქვეყნდეს.
2021 წელს, სახელმწიფო სათათბიროს არჩევნების პარალელურად, ჩატარდება რუსეთის ცხრა დამფუძნებელი სუბიექტის ხელმძღვანელის პირდაპირი არჩევნები (კიდევ სამ რეგიონში, საკანონმდებლო ასამბლეების დეპუტატები აირჩევენ უმაღლეს ადმინისტრაციულ პირებს ) და 39 რეგიონული პარლამენტი.
