ავღანეთის დედაქალაქ ქაბულში სამი აფეთქება მოხდა, რის შედეგადაც ორი სამართალდამცველი დაიღუპა, სამი კი დაშავდა. ინფორმაციას ამის შესახებ უცხოური მედია ავრცელებს.
პირველი აფეთქება, რომლის შედეგადაც ორი პოლიციელი დაიღუპა და ერთი სამოქალაქო პირი დაშავდა, ქაბულის ცენტში მოხდა, ასაფეთქებელი ნივთიერება სამართალდამცველების ავტომობილზე იყო დამაგრებული.
მეორე აფეთქების დროს კი, რომელიც დედაქალაქის დასავლეთ ნაწილში მოხდა, ორი სამართალდამცველი დაშავდა. მესამე აფეთქების შედეგად არავინ დაშავებულა.
მომხდარზე პასუხისმგებლობა ჯერჯერობით არავის აუღია.
