“ქართული ოცნების“ ცენტრალურ ოფისთან სამოქალაქო აქტივისტები შეიკრიბნენ.
მათ პროტესტი გამოხატეს „ნაციონალური მოძრაობის“ ბათუმის საკრებულოს წევრის ნუგზარ ფუტკარაძის გარდაცვალების გამო. აქტივისტები პოლიტიკოსის გარდაცვალებას ბურუსით მოცულს უწოდებენ და მომხდარზე პასუხისმგებლობას მმართველ გუნდს აკისრებს.
ცნობისთვის, ბათუმის ახალი მოწვევის საკრებულოს წევრი „ნაციონალური მოძრაობიდან“ ნუგზარ ფუტკარაძე 18 ნოემბერს გარდაიცვალა, მოგვიანებით მედიაში გავრცელდა ფარული ჩანაწერები, რომელიც ოპოზიციამ შეაფასა, როგორც პოლიტიკოსზე ზეწოლა.
“ნაციონალური მოძრაობა” სავარაუდო მოსყიდვასა და ზეწოლაში აჭარის მთავრობის მეთაურის მამას ადანაშაულებს.
მომხდართან დაკავშირებით შინაგან საქმეთა სამინისტრომ გამოძიება სისხლის სამართლის კოდექსის 116-ე მუხლის პირველი ნაწილით დაიწყო, რაც გაუფრთხილებლობით სიცოცხლის მოსპობას გულისხმობს.
