„ამ რვა წლის განმავლობაში პარტია „ქართულმა ოცნებამ“ ჩვენი ლიდერის, ბატონი ბიძინა ივანიშვილის ხელმძღვანელობით ქვეყნას მოუტანა უპრეცენდენტო თავისუფლება, ღირსება და სტაბილურობა და მშვიდობა. ეს არის ის მყარი საფუძველი, რომელზეც უნდა დაეფუძნოს შემდგომი განვითარება და მოსახლეობის კეთილდღეობა“,- ამის შესახებ თავდაცვის მინისტრმა, ირაკლი ღარიბაშვილმა განაცხადა.
იგი დარწმუნებულია, რომ ხალხი არჩევნებში კიდევ ერთხელ მიიღებს ბრძნულ გადაწყვეტილებას.
„მე რვა წლიანი უპრეცედენტო მშვიდობა შემთხვევით არ მიხსენებია, ეს არის უიშვათესი გამონაკლისი მას შემდეგ, რაც აღვადგინეთ დამოუკიდებლობა, როცა ქვეყანას აქვს სრული მშვიდობა და სტაბილურობა.
ეს არის ბიძინა ივანიშვილის და მთლიანად გუნდის დამსახურება, დღეს ჩვენ წარვადგინეთ ღირსეული მაჟორიტარობის კანდიდატები, რომლებიც არიან შერჩეულები პროფესიონალური ნიშნით. მათ აქვთ კარგად გააზრებული ის პასუხისმგებლობა ჩვენი ქვეყნის და მოსახლეობის წინაშე. მე მჯერა, რომ ჩვენი ხალხი კიდევ ერთხელ მიიღებს ბრძნულ გადაწყვეტილებას და არჩევანს გააკეთებს მშვიდობას, სტაბილურობას, განვითარებასა და იმ ბნელ წარსულს შორის, რომელიც 2012 წლამდე იდგა საქართველოში, კერძოდ ძალადობა ადამიანების ჩაგვრა მკვლელობები და ათასი უბედურება, ომი და ტერიტორიების დაკარგვა რომელიც ჩვენმა ქვეყანამ ჩვენმა საყვარელმა ხალხმა გამოსცადა ნაციონალების მმართველობის პერიოდში”,- აცხადებს ირაკლი ღარიბაშვილი. ღარიბაშვილი.
ცნობისთვის, დღეს „ქართული ოცნების“ პოლიტსაბჭომ მაჟორიტარი დეპუტატობის კანდიდატები წარადგინა.
ნახეთ, მაჟორიტარი კანდიდატების სრული სია.
2020 წლის საპარლამენტო არჩევნები 31 ოქტომბერს ჩატარდება.
